Sahifalar menyusi
TwitterRssFacebook
Доска объявлений
Bo'limlar menyusi
«Fotima» filmi prem’erasi bo’lib o’tdi
17 May, 2013

«Fotima» filmi prem’erasi bo’lib o’tdi

Fotima prem'eraBugun 17 may soat 18:00da Alisher Navoiy kino saroyida «Fotima» kinokartinasining prem’erasi bo’lib o’tdi. Juda ko’p kinoyulduzlar ishtirokida o’tgan mazkur prem’eradan eksklyuziv fotoreportajni qabul qilib olishga tayyormisiz? Unday bo’lsa, marhamat! Fotoreportaj siz uchun.

«Fotima va Zuhra» filmi ijodkorlari tomonidan suratga olingan «Fotima» kinokartinasi o’tkir syujetli drama janrida tasvirga tushirilgan bo’lib, kinoixlosmandlar diqqatini o’ziga mixlab qo’ya oladigan darajada ta’sirli chiqqan. Bu film prem’erasi nazarimda tashrif buyurgan barcha tomoshabinlarga va kinoshunoslarga manzur bo’ldi. «Fotima» filmini ko’rar ekansiz, ko’z oldingizga Farruh Soipov hamda Sogdiana bosh rollarni talqin etgan «Sug’diyona» filmi kelsa ajab emas. Zero, har ikki kinokartina ham bir xil uslubda, bir xil janrda suratga tushirilgan. So’nggi paytlarda ommalashgan komedik filmlardan tubdan farq qiladigan «Fotima» filmini ertadan boshlab shahrimiz kinoteatrlarida tomosha qilishingiz mumkin.
Film prem’erasiga tashrif buyurgan yulduzlar ro’yhati bilan sizlarni tanishtirib o’tamiz: Farruh Soipov, Ulug’bek Qodirov, Sanjar Shodiev, Muhammad Ali Iskandarov, Shahzoda, Nilufar Usmonova, Diyora, Sohib Abbosxon, Rustam Sa’diev, Abduvohid G’aniev, Asilbek, Suhrob Kenjaev, Nodir Jo’raev va yana ko’plab kinoijodkor hamda yulduzlarimizni prem’era tomoshabinlari qatorida ko’rishimiz mumkin edi. Film prem’erasini taniqli aktyor Lutfulla Sa’dullaev olib bordilar. Zarina Nizomiddinova o’ziga topshirilgan murakkab obrazni ishonarli tarzda ijro eta olgan. Umid Iskandarov hamda Otabek Mahkamovlar ham o’z rollarini qoyilmaqom qilib talqin etganlar. Ana endi esa «Real Time» studiyasi tomonidan suratga tushirilgan eksklyuziv fotosuratlarni sizlarga havola etamiz.


Muallif: | Bo'lim: O'zbek kinosi, Tanlanganlar | 3 075 ta o'qildi | Izohlar yo'q

COOL.SB.uz -

Maqolaga izoh yozish

Sizning e-mail manzilingiz ko'rinmaydi. Majburiy qatorlar quyidagicha belgilangan *