Sahifalar menyusi
TwitterRssFacebook
Доска объявлений
Bo'limlar menyusi
11 Dek, 2009

Jakhongir.Uz: «Kayfiyatimga qarab kuy bastalayman…»!

Jakhongir.UzJakhongir.Uz! O'zbek estradasida o'ziga xoslikni xush ko'ruvchi ijodkor sifatida tanilgan. Hozirda Jakhongir.Uz bastakor, xonanda, ovoz rejissori hamda ustozdir. Ijod tufayli uning bo'sh vaqti juda kam bo'ladi… Ammo Jakhongir.uz SB.uz portaliga maxsus intervyu berish uchun vaqt topa oldi…

Suhbatimiz Jakhongir.Uz va uning do'stlari tomonidan poytaxtimizda yangi tashkil qilingan «Studio.Uz» professional audio va video studiyasida bo'lib o'tdi. Ushbu studiyaning shiori sifatli mahsulotni hayotga tadbiq etish.

Jakhongir.Uz

– Qo'shiqlaringizni aksariyati mahzun taronalar?
– Balki tabiatan o'zim og'ir bosiq inson bo'lganligim uchun ham qo'shiqlarim shundaydir? Fasllarga va kayfiyatimga qarab mahzun qo'shiqlar yarataman.
– Ochig'i ekrandagidan ancha farq qilar ekansiz?
– Nimaga? Bir hisobdan to'g'ri. Ekranda judayam jiddiy qiyofada ko'rinsam kerakdirda? Hayotda esa quvnoq va xazilkash insonman. Ayniqsa do'stlar va yaqinlarim davrasida.
– Bolalingingizda ham jiddiy bo'lganmisiz?
– Ha, to'g'ri. Bolaligimda juda jiddiy bola bo'lganman va mehnatsevar ham. Lekin jiddiy degani bu sho'xlik qilmaydi degani emas. Ba'zan juda ko'p sho'xliklar ham qilardim. Albatta u bolalik sho'xliklari edi. Keyinchalik O'zbekiston Davlat Konservatoriyasining «Musiqiy ovoz rejissorligi» fakultetiga o'qishga kirdim. Bakalavr bo'limini bitirganimdan so'ng, magistratura bo'limida ham tahsil oldim. Ayni paytda O'zbekiston Davlat Konservatoriyasida «Ovoz rejissorligi» fanidan talabalarga dars bermoqdaman.
– Xonandalik yoki bastakorlik. Qay biri muhim…
– Shaxsan men uchun bastakorlik muhim. Chunki xonanda sifatida ijro qiladigan qo'shiqlarim albatta bastakorlik orqasidan kelib chiqadi. Ammo bastakorlik menga ko'proq yaqin.

Jakhongir.Uz

– Nima deb o'ylaysiz: avval kuy yaratilib, so'ng unga she'r yozish yoki yozilgan she'rga mos tarona yaratish kerakmi?
– Buning ahamiyati yo'q. Agar matn muallifi she'rda o'zining his – tuyg'ularini ifodalagan bo'lsa, unda bastakor uni mukammal his qilib yozishi lozim va albatta, bastakor yozgan musiqasiga shoir musiqani his qilib, uni ifodalab berishi kerak! Buni GARMONIYA deydilar!!!
– Tabiatan qanday insonsiz? O'zingizga qanday baho berasiz?
– Har bir inson o'ziga — o'zi baho berishga qiynalsa kerak, shu qatorda men ham. Menga yon — atrofdagilarning bergan bahosi o'rinliroq bo'lar edi… Tabiatan mehnatni sevaman va hech qachon ishdan qochmayman. Bekorga aytishmaydi — ku, «Mehnat, mehnatning tagi rohat», deb…
– Hayotdagi maqsadingiz?
— Asosiy maqsadim ko'proq ilm o'rganish va dunyoni kezib, o'zbek nomini hamma xalqlarga tanitish.

Jakhongir.Uz

Suhbatimizning shu qismida Jakhongir.Uz ga qisqa savollar bilan murojaat qildim…

– Iste'dod…
– Iste'dodni o'rganish yoki uni kimdir tushuntirib bera olmaydi. Bu insonning o'zidan kelib chiqadi, ya'ni o'zining dunyoqarashi va qo'polroq qilib aytganda, stilistikasi. Bu o'zining individual ochiqligi.
– Baxt…
– Bu Alloh bandasiga nasib etgan ne'matlari. Ota – onamiz va o'zimizning qo'l – oyoqlarimiz sog' – salomatligi joyida bo'lsa, buni baxt deyishimiz mumkin. Baxtning toifalari juda ko'p. Inson hayotining har bir pallasida baxtga erishib – erishib boradi.
– Ota – ona…
– Avvalom bor hayotimiz davomida ota – ona bizga ta'lim – tarbiya va mehrini ichimizga singitib boradi. Ota – onalarimiz farzandlari uchun qanday muhit yaratib berishsa, xuddi shunday ta'lim – tarbiya oladi. Ota – ona bu farzandning voyaga yetishishidagi eng yaqin insoni.
– Hayot…
– Hayot – bu bizning kechmishimiz, orzuimiz, yo'qotishimiz, topishimiz… Shu bilan birga har kuni sodir bo'ladigan voqealarni tushunaman.
– Oila…
– Oila – bu albatta mehr oqibat, sevgan va yaqin insonlar, ota – ona va oqibat. Oilada asosiysi bir – birini tushunish va mustahkamlik.
– Taqdir…
– Taqdir – bu peshonamizga yozilgan. Tasodif degan narsa yo'q. Agar hammasi taqdirga bitilgan bo'lsa, o'sha narsa albatta bo'ladi. Ulug'larning gapi bor: Peshonasida yozilgani bo'ladi. Taqdir degani, bu nasib qilgan bo'lsa, albatta bo'ladi. Aksincha bo'lsa, yo'q! Bularning barchasi taqdir.
– Studiya…
– Studiya mening hayotimning 70 % ni egallaydi desam adashmayman. Chunki studiyada ijod qilinadi. Studiya men uchun ham orom oladigan ham charchaydigan joy. Yangi asarlarni yarataman. Asosiy ish joyim hisoblanadi.
– Shou – biznes…
– Shou – biznes – bu «zakon vijivayemosti»! Kuchlilar yutib chiqadi. Bu raqobatchilik, joyida hafagarchilik yoki xursandchilik. Bu bir maromda o'z ustida ishlash. Shou – biznesda bitta ko'tarilib, yo'q bo'lib ketish ham mumkin. Agarda san'atkor maslahatli va tizimli ijod qilsa, yuqori cho'qqilarni zabt etadi. Shou – biznes bu ham o'ziga yarasha biznes.
– Internet…
– Internet bu avvalom bor qulaylik. Toshkentda turib, bir daqiqada dunyoning boshqa burchagidagi tanishlarimiz bilan fikr almashinish vositasidir. Hozirgi kunda bir kunimning 10 soatini internetga bag'ishlayman. Internetdan mobil telefonimdan, uydan va do'stlarimning studiyalaridan foydalanaman.
– Yaxshilik va yomonlik…
– Yaxshilikni qo'ldan kelsa, qilaverish kerak. Yaxshilik qilinganda, uning qaytishini kutish kerak emas. Yaxshilikni xatto imkoningiz bo'lmaganda ham qilish lozim. Qo'ldan kelgancha yaxshilikni, shirin so'z, mehr bilan ham ko'rsatish mumkin. Yomonlik bu dog' desa ham bo'ladi. Tilingiz, kuchingiz yoki qilig'ingiz bilan yomonlik qilib qo'yishingiz mumkin. Yomonlikdan xudoning o'zi asrasin.
– Oq yoki qora… Qay biri?
– Oq albatta bu yorug'lik, tozalik, poklik… Oq va qoraning hayotda o'z o'rni bor. Ularning har ikkisi ham kerak. Masalan, kun va tun… Qora qaysi tomoni bilan yaxshi? Qora stil tomondan yaxshi. Dizayn bo'yicha ham juda chiroyli. O'zimga ham tabiatan qora juda yoqadi. Oq ham qanchalik oq bo'lsa, insonning qalbi ham oppoq bo'lishini xohlayman.

Jakhongir.Uz

Jakhongir.Uz bilan suhbatimiz uzoq davom etdi. Ularga bergan savollarimizga ijodkorimiz dadillik bilan javob qaytardi. Shu o'rinda Jakhongir.Uz va uning do'stlari birgalikda tashkil qilgan SB.uz portalining doimiy hamkori «Studio.Uz» professional audio va video studiyasi faoliyatiga ulkan zafarlar tilaymiz.


Muallif: | Bo'lim: Intervyu | 27 ta o'qildi | Izohlar yo'q

COOL.SB.uz -

Maqolaga izoh yozish

Sizning e-mail manzilingiz ko'rinmaydi. Majburiy qatorlar quyidagicha belgilangan *